الصحفية داليا إلياس تفتـ ح النار على الصحفي مبارك البلال و تنعته بهذه الصفة.. إليك التفاصيل

الصحفية داليا إلياس تفتح النار على الصحفي مبارك البلال و تنعته بهذه الصفة.. إليك التفاصيل 

 

آخرخبر ـ أثارت الصحفية السودانية داليا إلياس جدلًا واسعًا على مواقع التواصل الاجتماعي، بعد هجوم حاد شنّته على الصحفي مبارك البلال، ووجّهت له اتهامات قاسية، متهمةً إياه بممارسة ما وصفته بـ”الصحافة الصفراء” والابتزاز والتشهير.

وفي منشور مطوّل على صفحتها الرسمية، وصفت داليا إلياس مبارك البلال بأنه:

ملك الصحافة الصفراء التافهة في السودان عامل فيها لسه مؤثر وبيخوف وهو أصبح مجرد كائن مثير للشفقة بكل المعاني.

قايل الدنيا لسه زي زمان… يمشيها بالإبتزاز والتطاول والشتل والبهتان والقصص المفبركة.

دي (مصر) يامسكين… محل العصِر والقانون الجد… قايل البلاغ هنا زي بلاغات البلد المكلومة البرطعت فيها؟!!… يمين بالله هنا أجيبك المعلوماتية بالإرشاد في ساعة زمن أخليك تكره اليوم الولدوك فيه.

طول عمري بقول مابتعب في النكرات… لكن إنت علي تفاهـ تك معلووووم…وعمري ما جبت زميل مجال عملته محتوي مع أن كتار منكم أكلوا لحمي… وعشان ما تتفاجأ المحامي بدأ إجراءاتك…. ونشوف الحيكتب عن (التبش بالشطة والدكوة منو؟ ) .

وما تعمل فيها مريض…. المريض بيسأل ربنا العافية ويتقيه في حق الناس… وكلنا مرضى ومضغوطين الحمد لله.

لقيت صفحتك راكدة بقيت كل فترة تفتح بي بوست للتنـ مر والإسـ ـاءة والقـ ذف إنت وأتباعك البيشبهوك مع إني ما متذكراك ولا عندي معاك تقاطعات ولا حصل جبت سيرتك وفي حياتي كلها شفتك مرتين بس.

كمان قال : ( كنتي تلميذة في مؤسستنا)!!!… الله يعلم جريدتكم دي وين في الخريطة ما عارفاها… انا بديت في آخر لحظة ومريت بالأهرام اليوم واليوم التالي… مؤسسات محترمة وناسها ليهم وزن…. داير تقشر بي بالكضب كمان..!!

أنا عمري لا زولة مهاترات لا بدخل صراعات مع الأهم وأخطر منك… متسامحة ومتجاوزة… لكن إنت بالذات لأنك عامل فيها (الفقس) حأتفرغ ليك بالقانون.

بعرف الأدب واللطف والتسامح كويس… لكن كمان بي مزاجي…. ولحمي مر لو ما عارف… وقررتا في السنة الجديدة ما أخلي حقي نهاااائي… ولسوء حظك حأبدأ بيك… وبراااااك سويتها في نفسك. 

وده كلام واااضح وعلي الملأ…. عشان ماتمشي تتلم علي أمثالك و(تقطع) معاهم فيني وتجي تعمل ضحية وتقول جابوا ليك قوالة…. قوالة شنو البقولها فيك إنت كمان وإنت فيك كل العِبر!!!

عموماً… هبشتني كم مرة وسكت ليك تقديراً لإعتبارات نوعك ده مابيعرفها… وأديتك فرصة تنصرف عني ولقيتك ممعن..

ومعرووووف انا زولة في حالي وما ببادر بالشر وبترفع عن الصغائر، لكن (البيهبشني هبش الدابي في جحره)….عادي بنزل من عليائي أمسح بيك البلاط وأرجع… وهلا هلا علي الجد.

عن (مبارك البلال) أتحدث.

مبارك البلال أحلي تاق عشان (الأعزاء) بتاعنك يوفروا مجهودهم …. وعشان بالمرة صفحتك الهزيلة دي تلقي شوية متابعين.

د(اليا) س

وكان الصحفي مبارك البلال قد نشر على صفحته الرسمية بمواقع التواصل الاجتماعي

“بلغني من اعزاء سجلت لهم زياره وديه ان داليا الياس تحدثت عني بسوء فقلت لهم جزاها الله كل خير انا مابقدر عليها لاني مريض وليس علي المريض حرج”